FC东京主胜跳入决赛

发布时间：2021-01-05 10:38:40 阅读：次来源：网眼布厂家

FC东京主胜「跳」入决赛

日联盃今日打4强次回合比赛，FC东京同清水心跳喺味之素球场交手。两队波首回合打成各二平手，有成4个入波，认真精采；但今日麻原就认为呢场波好大机会係一球上落格，照呢个方向谂，建议大家可以博FC东京小胜开2.25倍主胜！（周日4，有线64台周日5:00pm直播）

联赛盃4强係打两回合，若两队波两回合打成平手，就计边个作客入球较多，FC东京首回合作客取得两个入球，形势上当然係佔优些少，因为今次就算係开出0:0或1:1，都係佢哋出线决赛。监督城福浩赛前都讲明今次目标好明确，就係先做好防守，先至等机会去入波。所以呢场波应该唔会好似上次咁开到咁大！

问心讲句，今野泰幸及长友佑都两位中后场球员畀日本国家队召咗入伍，对FC东京冇影响就有假；但影响性係咪大又係另一个问题！冇咗今野泰幸，城福浩可以将「较炮」嘅责任放喺尾山阳平身上，从上场已睇到效果唔差，今次石川直宏、卡保利及平山相太几位前锋只要听听话话依计行事，小胜晋级係最合理战果。

清水前线天残地缺

清水有冈崎慎司被召入国家队，上场都入到两球波，算係交到货；但大家若有睇过呢场波，就应该知道清水係完全输晒势头，今次作客下要靠科迪庄臣一夫当关打进攻战，经常入波嘅岩下敬辅亦因上场领红未能出场，形势完全输晒，估计下半场就会失守，玩FC东京W之外，大家亦可吼埋个5.6倍半全场「和/主」。（互联网）